Willkommen auf der Internetseite der Ortsgruppe Wittlingen.

Hier erfahren Sie alles über uns und unsere Aktivitäten. Viel Spaß beim durchstöbern  unserer Seiten. Und natürlich würde es uns sehr freuen, wenn wir Sie bei der einen oder anderen Veranstaltung persönlich begrüßen dürfen.

Mei Schwoba - Alb (Alfred Vöhringer)

Mei Hoimat ischt mei Schwoba - Alb
dui ischt mit ihre Wälder
mit ihre Felse, ihre Berg
mit ihre weite Felder
a Stückle von mer selber

Dr liebe Gott, der hätt für mi
nix bessers fenda könne
er hot au gsait, du bisch a Schwob
von usse und von enne
a Schwob mt älle faif Senne

Drom soll dui Alb dei Hoimaet sei
mit ihre schöne Plätze,
do fendscht ällas was de brauchst
zom Esse guete Spätzle
zom liabe nette Schätzle!

Ond en der Tat, so wars no au
i spuck do koine Boga
wer's Ländle kennt, der wirds verschtau
der Hergott hot net gloga

Mei herrlich schöna Schwoba - Alb
mit ihr bin i vrbonda,
be i alls fort ond komm no hoim
send des de schönste Stonda

Wenn i se schau vo weitem sich
no ko i's et vrwarte
bis i voll ganz drhoimde be
ond i muess äweil sage:

I will meim Hergott dankbar sei
für so a schöne Hoimet,
dui ischt für mi dr Sonneschei
wenn an die Leut a moinet

Dui rauhe Alb, was ischt des schau
ond i dears übertreibe
so muss ma dir dui Antwort lau:
I möcht a Älbler bleibe!